Saturday, January 22, 2011

ಸಭ್ಯ ಪೋಲಿ ಕವನಗಳು ..

ಸಭ್ಯ ಪೋಲಿ ಕವನ :೨ ..........


ಮದನರಾಗವ ನುಡಿಸಬೇಕಿದೆ

ವೀಣೆಯಾಗು

ಶ್ರುತಿ ನಿನ್ನದೇ ತಾಳ ನನ್ನದು

ಇನ್ನೇನು ಬೇಕು ?

ಅಡ್ಡಕಸುಬಿ ನಾನು ಅವಸರಕ್ಕೆ ಬಿದ್ದವನು

ಪರಿಣಿತಿಯ ಪ್ರಶ್ನೆ ಬೇಕಿಲ್ಲ

ತಾಳ ತಪ್ಪಿದರೆ ಅದು ತಪ್ಪಲ್ಲ.

ನಾ ನುಡಿಸಬೇಕು ನನಗೆ ತಿಳಿದಂತೆ

ನೀ ಮಿಡಿಯಬೇಕು ನಿನಗೆ ಒಲಿದಂತೆ

ಅಷ್ಟೇ ಸಾಕು.


ಮೂಡಣದ ಸೂರ್ಯ ಪಡುವಣಕೆ ಬಂದು

ಘಳಿಗೆ ಮೂರಾಯಿತು

ರಾಗ ಕೈಹಿಡಿಯುತಿದೆ ಈಗಷ್ಟೇ

ಪಡುವಣಕೆ ಬಂದವನು ಬರಲಿ ಬಿಡು

ನಡೆಯಲಿ ತಾಲೀಮು

ಪಡುವಣಕೆ ಬಂದವನು ಮತ್ತೆ ಮೂಡಣಕೆ ಸಲ್ಲುವ ತನಕ

ಕಾಲದ ಪರಿವೆ ಮರೆಯಬೇಕು

ಇಹದ ಅರಿವ ತೊರೆಯಬೇಕು

ತಂತಿ ಮೆದುವಾಗಬೇಕು

ಬೆರಳು ನೀರಾಗಬೇಕು

ಸರಾಗವಾಗಬೇಕು

ಆರೋಹಣ ಅವರೋಹಣ

ಸಿದ್ಧಿಯ ಹಾದಿಯಲಿ ದಣಿವೇ ನೆರಳು

ಬೆವರೇ ಪನ್ನೀರು

ನಿಂತು ನಿಂತು ಮುನ್ನಡೆಯಬೇಕು

ಬೆವರು ಹರಿದಷ್ಟೂ ಬಾಯಾರಿಕೆ ನೀಗಬೇಕು

ರಾಗ ಸಂಪನ್ನವಾಗಬೇಕು

ನಾ ಸೋಲುವಲ್ಲಿ ನೀ ಗೆಲ್ಲಬೇಕು

ನಿನ್ನ ಸೋಲೆನ್ನ ಗೆಲುವಾಗಬೇಕು

ನಿನ್ನಲೊಂದು ತೃಪ್ತಹಾಸ

ನನ್ನಲೊಂದು ಮಂದಹಾಸ

ಮುಂಜಾವು ಅಡಿಯಿಡುವ ಘಳಿಗೆಯಲಿ

ಉದಯರಾಗವಾಗಬೇಕು ...

4 comments:

ಮನಸಿನಮನೆಯವನು said...

ಮೊಗೆಮೊಗೆದಷ್ಟು ಸುಖ ಹೊಮ್ಮಲಿ..
ಮೈ ಬಗ್ಗಿಸಿ ದುಡಿದಂತೆಲ್ಲ
ದಾಹ ಹೆಚ್ಚಾಗಿ
ತೋಳಲ್ಲಿ ಬಾಚಿ ಬಳಸಿದಂತೆಲ್ಲ
ಸುಖ ನೀಗಿ..

ಸಾಗರದಾಚೆಯ ಇಂಚರ said...

too good Tamma
i liked your words and their combinations
prati saalannu artha garbitavaagi baradde
keep it up

ಗಿರಿ said...

politanavannu heegu sabhyavagisabahude! awesome!!
i like it very much...
keep it up

ಸೀತಾರಾಮ. ಕೆ. / SITARAM.K said...

awesome