ಗುಡ್ ನೈಟ್ ಕವನಗಳು......

ನೂರು ಭಾವ ನೂರು ನೋವು
ಹಳೆಯ ನೆನಪುಗಳು ಅಲೆ ಅಲೆಯಾಗಿ
ಮನದ ತೀರಕೆ ಬಡಿದು ಮರಳುವಾಗ
ಅಲೆ ಬಂದು ಹೋದ ಘಳಿಗೆಯಲಿ
ಉಳಿಯುವುದು ಕಣ್ಣಂಚಲಿ ಹನಿಸಾಲು
ಮತ್ತೆ ಎನ್ನ ಸಂತೈಸಲೆಂದೇ ಹುಟ್ಟಿದ ನೀನು
ನೀನು ಮಾತ್ರ ಪುಟ್ಟಿ ನೀನು ಮಾತ್ರವೇ ..

............................................................

ಈ ರಾತ್ರಿಯ ದಿವ್ಯ  ನೆಮ್ಮದಿಯೆ
ಇರದ ಅಮ್ಮನ ಮಮತೆ ಮಡಿಲಾಗಲಿ
ಮೆಲು ಗಾಳಿಯ ಬೀಸು ಅವಳ ಜೋಗುಳವಾಗಲಿ
ಆ ಬಾಗು ಚಂದಮನೆ ತೂಗೋ ತೊಟ್ಟಿಲಾಗಲಿ
ನಾನಲ್ಲಿ ಬೆಳದಿಂಗಳ ಮುದ್ದೆಯಂಥ
ಮುದ್ದು ಮಗುವಾಗಲಿ
ನಾನೆಂದೂ ಹಾಗೇ ಇರಲಿ
ಮತ್ತೆ ಹಗಲಾಗದಿರಲಿ

.............................................................

ಒಮ್ಮೆಯೂ ಎನ್ನ ಒಲವಲ್ಲದೆ
ಇನ್ನೇನೂ ಕೇಳಲಿಲ್ಲ
ಒಮ್ಮೆಯೂ ಎನ್ನ ದೂರಲಿಲ್ಲ
ದೂರಿಟ್ಟು ಸತಾಯಿಸಲಿಲ್ಲ
ಸಿಡುಕಲಿಲ್ಲ ಮುನಿಯಲಿಲ್ಲ
ಇನ್ನಾರಿಗೋ ಹೋಲಿಸಿ ತೂಗಲಿಲ್ಲ
ಅಪರಂಜಿಯಂಥ ಪ್ರೀತಿ ನಿನದು
ನಿನ್ನ ಪಡೆದ ಭಾಗ್ಯ ಎನದು
ಖುಷಿಯ ಕಣ್ಣೀರಲ್ಲದೆ ಏನೂ ಇಲ್ಲ.
ನಿನ್ನೊಲವಿಗೆ ಪ್ರತಿಯಾಗಿ ಋಣಿಯಾಗಿ
ಈ ಅಲೆಮಾರಿ ಭಿಕಾರಿಯಲ್ಲಿ
ಏನೂ ಇಲ್ಲ.